मुद्रास्फीति नियन्त्रणमा काम गर्न जापानी प्रधानमन्त्रीको आदेश

रुस–युक्रेन युद्धले निम्त्याएको मुद्रास्फीतिको समस्यालाई तत्काल नियन्त्रण गर्न जापानी प्रधानमन्त्री फुमियो किसिडाले सरकारलाई अप्रिल महिनाको अन्त्य सम्म अपत्कालिन उपायहरु संसदमा ल्याउन आदेश दिएका छन् ।

संसदलाई सम्बोधन गर्दै फुमियोले तत्कालीन अवस्थामा कोभिड–१९ मा संकलन गरिएको रिजर्भ फन्डलाई प्रयोग गर्न आदेश दिएका छन् ।

आफ्नो पार्टीगत गठबन्धका एक सदस्यले सोधेको प्रश्नमा उनले, बजेट बाहेकका अतिरिक्त बजेटहरुको प्रयोग नगर्ने या नगर्ने भन्ने बारेमा पनि अध्ययन गर्न भनेका छन् ।

जापानी केन्द्रीय बैंकले इल्ड क्यापमा आएको कमी पूर्ति गर्न असिमित सङ्ख्यामा यो हप्ताको सुरुवाती चार दिनको लागि ०.२५ प्रतिशत ब्याजदरमा जापानीज गर्भरमेन्ट बोन्ड किनिरहेको छ ।

केन्द्रीय बैंकको यस कदमले पनि जापानी येनलाई बलियो भने बनाउन सकेको छैन ।

इन्धन आयातमा रुसमा भर पर्ने जापानमा हुने इन्धनको आपूर्ति श्रृङ्खलामा अवरोध आउँदा जनमानस समस्यामा परेका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।