अपि पावरलाई ५६.७० करोडको हकप्रद शेयर बिक्री गर्न अनुमति

अपि पावर कम्पनी (API) ले ५६ करोड ७० लाख रुपैयाँ बराबरको हकप्रद शेयर बिक्री गर्न नियामक निकाय नेपाल धितोपत्र बोर्डबाट अनुमति पाएको छ ।

अपि पावरले दोस्रो चरणमा चुक्ता पूँजीको २९.३८ प्रतिशत हकप्रद शेयर निष्काशन तथा बिक्री गर्न नियामक निकाय नेपाल धितोपत्र बोर्ड (सेबोन) बाट बैशाख १९ गते आइतबार अनुमति पाएको हो ।

बोर्डले कम्पनीलाई प्रतिकित्ता एक सय रुपैयाँ अंकित दरमा (१ बराबर ०.२९३८ को अनुपातमा) ५६ लाख ७० हजार कित्ता हकप्रद शेयर निष्काशन तथा बिक्रीका लागि अनुमति दिएको छ ।

हकप्रद शेयर जारी गर्न अनुमति माग गर्दै कम्पनीले गत फागुन ९ गते बोर्डमा पेश गरेको थियो ।

कम्पनीले यसअघि कार्तिक १४ गते शुक्रबारदेखि मंसिर ४ बिहीबारसम्म चुक्ता पूँजी १ अर्ब १९ करोड ७ लाख रुपैयाँको ४७.६० प्रतिशतले हुन आउने ५६ करोड ७० लाख रुपैयाँ बराबरको ५६ लाख ७० हजार कित्ता हकप्रद शेयर निष्काशन गरिसकेको छ ।

?  समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।