अपि पावर कम्पनी लिमिटेड (API) ले गत आर्थिक वर्षको नाफाबाट प्रस्ताव गरेको बोनस शेयरपछि कायम हुने चुक्ता पूँजीको ३९.३६ प्रतिशत हकप्रद शेयर बिक्री गर्ने भएको छ ।
कम्पनीले लाभांश र बोनसपछि हकप्रद निष्काशन गर्ने प्रस्ताव पारित गर्न भदौ २५ गते अठारौँ वार्षिक साधारण सभा बोलाएको छ ।
प्रधान कार्यालय, ट्रेड टावर थापाथलीमा बिहान ११ बजे आह्वान गरिएको अठारौँ वार्षिक साधारण सभाले आर्थिक वर्ष २०७७।७८ को खुद नाफाबाट चुक्ता पूँजीको १०.५० प्रतिशत बोनस शेयर र बोनसको कर प्रयोजनका लागि ०.५५ प्रतिशत नगद लाभांश वितरण गर्ने प्रस्ताव पारित गर्नेछ ।
यसैगरी सभाले बोनस शेयरपछि कायम चुक्ता पूँजीको ३९.३६ प्रतिशत (१ बराबर ०.३९३६ अनुपातमा) मा हकप्रद शेयर निष्काशन गर्ने विशेष प्रस्ताव पारित गर्ने एजेण्डा राखेको छ ।
सभाले हकप्रद जारी गर्नका लागि नियामक निकायहरुमा आवश्यक कार्य गर्ने सञ्चालक समितिलाई अख्तियारी दिने भएको छ ।
साधारण सभा र लभांश वितरण प्रयोजनका लागि कम्पनीले भदौ १८ गतेदेखि २४ गतेसम्म बुकक्लोज गर्ने मिति तोकेको छ । यस अनुसार भदौ १७ गते बिहीबारसम्म नेप्सेमा कारोबार भइ कायम शेयरधनीहरुले मात्र लाभांश पाउन र सभामा प्रतिनिधित्व जनाउन सक्नेछ ।
? समग्र अर्थतन्त्र र शेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।
About Us
प्रतिक्रिया