चीनमा लकडाउन सहज हुँदा बढ्यो अन्तर्राष्ट्रिय बजारमा कच्चा तेलको मूल्य

कोभिड–१९ संक्रमण फैलिएपछि लकडाउन गरिएका चीनका प्रमुख औद्योगिक सहरमा लकडाउन खुकुलो बनाएपछि माग बढेका कारण अन्तर्राष्ट्रिय बजारमा कच्चा तेलको मूल्य बढेको छ ।

यसैगरी युरोपियन युनियन अन्तरगतको हङ्गेरी बाहेकका देशहरुले रुसी तेल तथा प्राकृतिक ग्यासलाई प्रतिबन्ध लगाएपछि कच्चा तेलको माग र आपूर्तिबीच तालमेल नमिल्दा कच्चा तेलको मूल्य वृद्धि भएको हो ।

अन्तर्राष्ट्रिय तेल निर्यातकर्ता ब्रेन्ट क्रुड मार्च २८ यताकै उच्च ११५.४० प्रति ब्यारल हुन पुगेको छ । यसैगरी अमेरिकी तेल निर्यातकर्ता वेस्ट टेक्सास इन्टरमिडियट (डब्लुटीआई) ले ११४.९८ प्रति ब्यारलमा कारोबार गरेको छ ।

ओएन्डा ब्रोकेजका विश्लेषक जेफ्री हेलीले अमेरिका तथा यूरोपमा बढेको इन्धनको मूल्य र माग अनुसारको आपूर्ति गर्न नसक्दा कच्चा तेलको मूल्य थप बढ्ने बताएका छन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ ।