भारु थप अवमूल्यन हुन नदिन आरबीआईले २०.१ बिलियन डलर बिक्री गर्दै

अमेरिकी केन्द्रीय बैंकले औसत ब्याजदर बढाएपछि डलर बलियो हुँदा कमजोर भएको भारुलाई थप अवमूल्यन हुन नदिन भारतीय केन्द्रीय बैंकले २०.१ बिलियन डलर बिक्री गरेको छ ।

मार्च महिनामा एक डलर बराबर ७५.७६ भारुमा विनिमय भइरहे पनि डलर बलियो हुँदा मे महिनामा सन् २०२० अप्रिल यताकै कमजोर एक डलर बराबर ७७.७९७५ भारुमा विनिमय भएको छ । कमजोर भएको भारुलाई थप कमजोर हुनबाट जोगाउन भारतीय केन्द्रीय बैंकले विदेशी सञ्चितिबाट २०.१ बिलियन डलर बिक्री गरेको हो ।

यसै सम्बन्धमा क्यापिटल इकोनोमिक्सका सहायक अर्थशास्त्री एडम होयसले भारतीय रिजर्भ बैंक (आरबीआई)सँग प्रशस्त विदेशी सञ्चिति भएको र रुपियाँलाई अस्थिर हुनबाट बचाउन र अरु विकासोन्मुख अर्थतन्त्रको मुद्रा भन्दा कमजोर हुन नदिन आरबीआईले सञ्चितिबाट विदेशी मुद्रा रिलिज गर्नुपर्ने बताएका छन् ।

आरबीआईको यस कदम पछि भारतको विदेशी मुद्रा सञ्चिति घटेर ५९५.९५ बिलियन पुगेको आरबीआईले जनाएको छ ।

यसैगरी केन्द्रीय बैंकले मुद्रास्फीति बढ्दै गएको र यसलाई नियन्त्रण गर्नको लागि मौद्रिक नीति समितिले औसत ब्याज दर बढाउने प्रस्ताव गरेको जानकारी दिएको छ ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।