एआईआईबीद्धारा चीनमा १.५० बिलियन युआनकाे पाण्डा बन्ड जारी

एशियाली पूर्वाधार लगानी बैंक (एआईआईबी) ले चीनको अन्तरबैंक ऋण बजारमा १.५ अर्ब युआन (लगभग २२५.११ मिलियन अमेरिकी डलर) मूल्यको पाण्डा बण्ड जारी गरेको छ ।

यो अन्तर्राष्ट्रिय संस्थाले चीनमा जारी गरेको पहिलो दिगो विकास बण्ड हो । सन् २०२१ मा नेशनल एशोसियसन अफ फाइनान्सियल मार्केट इन्ष्टिच्यूसनल इन्भेष्टर्सले दिगो विकास बन्डहरू जारी गर्न अनुमोदन गरेको थियो ।

२.४० प्रतिशतको कुपन दर जारीमा जारी भएको उक्त वण्डले दिगो विकास पूर्वाधार निर्माणमा सहयोग गर्न कोष जुटाउने लक्ष्य राखेको छ । बण्डको समायावधि तीन वर्ष रहेको छ । एआईआईबीले सन् २०२० मा पहिलो पटक ३ बिलियन युआन बराबरको पाण्डा बन्डको बिक्री गरेको थियो ।

विश्व बजारमा संकुचित तरलता र बढ्दो वित्तिय लागतको बीचमा, अपेक्षाकृत कम दरमा पान्डा बन्ड जारी गर्दा राम्रो वित्तीय अवस्था र उच्च स्तरको सञ्चालन र व्यवस्थापनको लागि सहयोग पुग्ने विश्लेषकहरूले बताएका छन् । एआईआईबीको बण्डलाई ट्रिपल ए अन्तर्राष्ट्रिय क्रेडिट रेटिङ प्राप्त छ ।

पाण्डा बन्डहरू चीनमा विदेशी जारीकर्ताहरूद्वारा बेच्ने युआन संप्रदायित ऋणहरू हुन् ।

?  समग्र अर्थतन्त्र र सेयर बजारको नियमित अपडेटका लागि हाम्रो फेसबुक पेजका साथै ट्वीटर र युट्युबमा हामीलाई फलो गर्न सक्नुहुन्छ  ।